Lagt á leið ...

Nýja gula nota ég vil
njóta, sitja, slaka.
Í ellefunni ekki skil
öngva hægt að taka!

Dr. Gylforce gekk vitaskuld hnarreistur & með reistan makka til vina sinna - vagnanna - i gær, hvar hann langaði að sjá hvurt nýju vagnarnir væru komnir á leiðir 11 & 13. Nema hvað.

Doksa kallinum hefir borist til eyrna að verktakinn suður í Firði hafi í fórum sínum fjóra nýja Iveco Crossway vagna. Jibbíkóla!

Vonandi situr hann ekki lengi á slíkum unaði en Gylforce-inn gat ekki séð einn einasta á vígvöllum veganna í gær. Illu heilli.

Dr. Gylforce gerði sér títt far með ellefunni & fylgdist aukinheldur vel með leið 13 aka til & frá Hlemmtorgi. Á leiðum þessum var einungis hinn níu ára gamli Irisbus í boði fyrir utan Iveco-gæðing þennan á myndinni á leið 11. Hvað um það.

Vonandi halda þeir á vígvellina hið fyrsta. Koma svoooooo!

Náttfarar fá meiri næturvagn ...

Nýr er bragur á næturna
nýta verður betur. 
Öngvu verið að umturna
en sjáum hvað setur.

Náttvagnarnir

Byggðasamlagið Strætó hefir ákveðið sig hvurnig næturakstri um helgar verði framvegis háttað. Tilraunaverkefnið hefir nú staðið í rúmt ár & hefir mælst vel fyrir.

Samlagið mun þó í febrúar hætta akstri á leið 111 en allar næturleiður hefjast á hundrað. Leiðin sú fór frá Hlemmi, um Dunhaga áleiðis til Seltirninga. Dræm var þátttaka vagnverja á ferðum þessum á árinu sem var að líða.

Þá verður næturleiðum númer 101, 103 & 106 breytt lítillega. Nema hvað.

Illu heilli hefir dr. Gylforce ekki hundskast í ferðir þessar & þarf því að gyrða sig hressilega í brók á nýju ári & kanna lendur & stemmningu næturvagnanna - en ekki hvað???

Glæstir & glænýir ...

Splunkunýir, spánnýir
splæst á okkur verja.
Huggulegir & hlýir 
með hægð mun´oss ferja.

Gleðifregnir berast nú oss vagnverjum þess efnis að einn af verktökunum í hinu lostfagra leiðakerfi, Hagvagnar, hafa nú fest fjár í fjórum nýjum eðal Iveco Crossway vögnum. Hipp-hipp-húrrey!

Dr. Gylforce hefir reyndar ekki séð þessa unaðsvagna en hefir þetta eptir áreiðanlegum heimildum. Vagnarnir fá númerin 220-223 & verða vonandi á ferðinni á leiðum 11 & 13 en Hagvagnar annast einmitt akstur á þeim leiðum.

Ef þeir eru ekki komnir í umferð er þetta er ritað vonar doksi kallinn að það verði eins fljótt & auðið er. Maður lifandi!





Mynd: piwigo.citybus.com

Rotinborulegur á reinunum ...???

Undir stýri utan við sig
athyglin farin. 
Opnar ekki & þannig 
upphefst hasarinn!

Hinn ungi & aldni vagnverji vildu ólmir inn í hina krikagulu & krúttlegu vagna hér í gettóinu, hvar þeir gengu hröðum skrefum í átt að biðskýli einu í grenndinni. Nema hvað.

Góðu heilli kom rafvagn aðvífandi á leið 3 sem gladdi hið gamla hró Gylforce-ins & færði oss í námunda við Gerðubergið. Gott & blessað.

Heimleiðin var með fjarka góðum - þó ekki rafvagni. Eitthvað var vagnstjórinn illa vaknaður á vachtinni - jafnvel vankaður - því optar en einu sinni gleymdi hann annaðhvort að stoppa á stoppistöðvunum eða opna apturhurðirnar til að hleypa verjum út.

Það tók hinn margfræga stein úr síðan er hinn ungi & aldni ætluðu út. Sá stutti fór fyrst út en þegar dr.-inn ætlaði út lokaði stjórinn hleranum & hélt af stað. Skelfingarsvipur kom á þann yngri þegar hann horfði á eptir vagninum & föður sínum.

Sem betur fer var rödd Gylforce-ins þokkaleg svá hann gat gert vagnstjóranum viðvart sem stoppaði stuttu síðar. Hjúkk!

Koma svo, verum vakandi á vachtinni - maður lifandi!

Fözzari ...

Doksi orðinn dimmari
dreymir um óhlýðni.
Fyrirtaks er fössari
framundan skert tíðni.

Hinn fálmkenndi & freki dr. Gylforce hyggst vitaskuld ferðast með vögnunum - vinum vorum - nú sem endranær. Maður lifandi.

Dr.-inn verður þó að hafa handtök snör hvar 10-15 mínútna tíðnin er einvörðungu til taks í dag, á þessum fyrirtaks fössara, frá kl. 14-18.

Um helgina dettur hið lostfagra leiðakerfi allt í 30 mínútna ömurðina. Sveiattan!

Skriplar stjórnin á skötu ...???

Stjórnin skriplar á skötu
undan skýringunum sveið.
Ber keim af Forsætis-Kötu
með keyrslu vel af leið.

Neikvæður niðurskurður

Dr. Gylforce hefir undanfarið fjallað um fyrirhugaðar skerðingar á hinu lostfagra leiðakerfi höfuðborgarsvæðisins. Doksi kallinn hélt reyndar að stjórn byggðasamlagsins ætti eptir að samþykkja tillögurnar endanlega en svá virðist vart vera. Hvað um það.

Ferns konar skerðingarnar hefir stjórnin í hyggju. Óþarfi er að tíunda þær hér, reyndar hefir doksi minnst á nokkrar af þeim í öðrum færslum. Nema hvað. 

Mestu vonbrigðin í "hagræðingaraðgerðunum" eru líklega þau að draga úr tíðni á sumrin á þremur leiðum, 18, 24 & 28. Stjórnin réttlætir það með því að segja að lítil notkun hafi verið á þessum leiðum yfir sumartímann. Það má vel vera. En eftir hvað??? Eitt sumar??? WTF!!! Var ekki möguleiki á að hafa tíðnina örari nokkur sumur í röð & taka þá ákvörðun um framhaldið???

Hér virðist stjórnin þrjóta öreindið. Illu heilli. Vissulega eru miklir fjármunir undir en að bjóða upp á 15 mínútna tíðni á þessum þremur leiðum eitt sumar & slá það síðan út af borðinu er ekki mjög stórmannlegt. & þaðan af síður til þess fallið að fjölga vagnverjum.

Vonandi hættir stjórn byggðasamlagsins þessum handahófskenndu vinnubrögðum & reynir að bæta þjónusta & auka tíðni en draga ekki svo alltaf í land.

Hvað ætli verði um 7,5 mínútna tíðnina á annatíma sem stefnt er að árið 2020 á fjölförnustu leiðunum???

Það er löngu tímabært að byggðasamlagið leiti allra leiða til þess að bæta þjónustuna & fjölga vagnverjum & láti allan hringlandahátt lönd & leið. & hana-nú!

Grandagarður ...

Það má með sanni segja að Grandi & umhverfi hans hafi tekið miklum stakkaskiptum á undanförnum misserum. Það þarf eigi að fara langt aptur í tímann þegar fátt var spennandi við tanga eða totu þessa á höfuðborgarsvæðinu.

Nú er þar að finna spennandi veitingastaði, hönnunarverslanir, kaffihús og söfn innan um fiskiðnaðarsögu & doksi veit ekki hvað & hvað. Nema hvað.

Skugga hefir þó borið á að einvörðungu leið 14 í hinu lostfagra leiðakerfi höfuðborgarsvæðisins hefir komið oss vagnverjum til & frá Granda með alls kyns útúrdúrum sem reynast tímaþjófar. En ekki hvað???

Nú breytist það. Sem er vel. Leið 14 ekur nú beint niður Hverfisgötu frá Hlemmi til & frá Granda sem styttir leiðina til muna. Vér vagnverjar höfum tök á öðrum leiðum í stað gömlu leiðar 14 svo ekki er um mikla skerðingu að ræða, heldur framför sem er fyrirtak.

Heimili hönnunar
hugguleg ásján.
Beint á Granda brunar
bus númer fjórtán.

Nú þarf dr.-inn bara að bruna í bísperrta ferð um Grandagarðinn. Maður lifandi!

Fljóthuga & flaustursgjarn ...

Doksa dreymdi nýtt upphaf
& draumaferð hvers dags.
Brunandi við dimmblátt haf
sem byrjar ekki strax!

Hinn stórhuga & stælti dr. Gylforce stóð upp eins fljótt & auðið var & kvaddi ungviðið vestur á Kársnesi, hvar hann varð að halda á vit vagna. Nema hvað. 

Dr.-inn virtist óðamála & óðara var hann kominn í Mjódd okkar Breiðhyltinga & einhenti sér í leið 11. Tíminn leið líkt & flugan óða enda hapði doksi kallinn hug á að komast úr ellefunni yfir í leið 3 frá hinu huggulega Hlemmtorgi. Hvað um það.

Með doktorinn djarfan
& drífandi skref.
Við Hlemminn svá lék hann
sín hugljúfu stef.

Örlitlar breytingar hafa orðið á leið 3 hvar hún ekur nú um Sæbraut & Kalkofnsveg á leið sinni til & frá Hlemmi í stað þess að þjösnast um Hverfisgötuna. Eða hvað???

Ó-nei! Flaustursgirni & fljótfærni! Breytingin tekur ekki gildi fyrr en í febrúar! 

Rafvagnar á randi ...

Rafvagnar á randi
rís þá upp mitt geð.
Kynslóðir komandi
koma svo - allir með!

Hinn reikuli & ráfandi dr. Gylforce rambaði vitaskuld á rafvagna á rápi & randi sínu á degi lukkunnar. En ekki hvað???

Hinsvegar hefir doksi kallinn verið huxi mjög yfir minnisblaði byggðasamlagsins sem skýtur upp ýmsum "hagræðingarhugmyndum" í hinu lostfagra leiðakerfi höfuðborgarsvæðisins sem minnst var á í færslu hér að neðan. Nema hvað.

Höfundar minnisblaðsins minnast ekki á að fækka leiðum sem aka upp & niður hina þröngu Hverfisgötu. Það væri þjóðráð að láta einvörðungu eina af leiðum 1, 3 & 6 aka til & frá Hlemmi. Hinar ættu að fá stoppistöð á Fríkirkjuvegi við Vonarstræti & beygja svo að Ráðhúsinu. Reyndar þyrfti þá að finna nýtt athvarf fyrir vagnstjórana í stað Hlemmtorgs & með það að leiðarljósi væri heillavænlegast að láta leið 3 fara á Hlemminn. Hinar ekki. 

Hinsvegar ætlar Strætó að láta þristinn aka um Sæbrautina & Kalkofnsveg frá & með deginum í dag. Hvað um það.

Dr.-inn átti aptur á móti unaðsstundir í rafvögnunum þennan annars ágæta laugardag. Hinir hljóðlátu eru mjög mikið brúkaðir á leiðum 2, 3 & 4 sem hentar doksa afar vel.

Sparnaður eða sparðatíningur ...???

Byggðasamlagið bröltir nú
í bölvaðan sparnað.
Á leiðum vakið von & trú
en vafra í óvelfarnað.

Ömurð & eymingsskapur

Það berast heldur þumbaraleg tíðindi úr Þönglabakkanum þessa dagana, hvar eigendur Strætós stefna að hagræðingu í leiðakerfinu upp á tæpar 100 milljónir á þessu ári. Hagræðing þýðir í flestum tilfellum skerðing; minni & verri þjónusta okkur vagnverjum til handa.

Strætó bs. hefir á undanförnum misserum verið að auka þjónustu sína - góðu heilli - hægt & bítandi; meiri tíðni, ekið fyrr á sunnudagsmorgnum, lengur á kvöldin, næturakstur o.s.frv.

Ávallt skal hapt í huga að almenningssamgöngur eru dýrar ef mælt er aðeins í beinhörðum peningum; hver ekinn kílómetri kostar milljónir á ársgrundvelli & því mikilvægt að fara vel með almannafé. Nema hvað.

Hinsvegar finnst dr. Gylforce stjórn Strætós skorta þolinmæði; hrint er af stað breytingum að vel ígrunduðu máli - sem er vel - en svo er möguleiki á því að breyta aptur til baka nokkrum mánuðum síðar! Dæmi um það er í minnisblaðinu hér að ofan (í hlekki) þess efnis að sumartíðni á langflestum leiðum eigi að ganga til baka! Það yrði apturför hin mesta - maður lifandi! Það verður að gefa sumartíðninni lengri tíma & skipuleggja ekki almenningssamgöngur á höfuðborgarsvæðinu út frá árstíðum! 

Á hinn bóginn fyrirfinnast tillögur þarna sem meika sens. Til dæmis ein er lýtur að því að breyta akstursleið 14 á leið út á Granda & spara með því um 40 milljónir á ári. Önnur er að aðlaga næturaksturinn & ná fram smá sparnaði.

Jæja, nóg vrövl í bili. Meira síðar. Lifið veil.